الشهب الثريا من انتاج الهزاني

And السلام عليكم ورحمة الله وبركاته 
أقدم لكم اليوم سلالة الشهب من ترثة الثرياء وهي من إنتاج مربي الطيور المعروف ابو سعود الهزاني هذي طيور ((خاصه من أنتاج ابو سعود الهزاني))* طيور صافيه*
وقد تميزة هذه الترثة بجميع سلالاتها طيور قديمه طار له أجيال  ومن أميز الطيور وأقواها في المطير عبر سماء مدينة الرياض وهي معروفة في الرياض منذ الأزل
حيث وأنه قد أمتلك الثرياء منذ مايقارب ٣٠عاماً طيره نادرة جداً حيث أن عمرها قد تجاوز ال٤٥عام
أما مايخص بتعريف ترثة الثرياء اساسها انث زرقاء فقد تميزة هذه الترثة برونق خاص بها حيث أنها زرقاء اللون شهبة مطرفة صقعاء بدقات على الرأس .  
طيور قويه كسبت جميع المواصفات المطلوبه قوت التقلب ورتفاع 
نعتذر عن الصور يرفض التحميل الرابط.

عليكم السلام .موضوع يستحق الشكر ومتعوب عليه

اذكر الموضوع مدعم بصور وكامل من كل انواحي

صور الحمام وصنادق وتصوير باالفعل من سطح أخونا ابو سعود الهزاني

ماقصر بصراحه كان لنا زياره في بيته باشمال الرياض مخرج1 سيرنا عليه

ماشاءالله ترتيب وشغل ماعليه كلام زياره خفيف لكن استمتعنا معه وطيوره جميله

ومحتفظ بعينات نادره مثل طيره الأساس ألارقم ولد ركيه وبتوفيق له وللجميع كل من تعب لجل هذي الهوايه الغاليه على قلوبنا

نورررت الموضوع يابو فهد 
بنسبه لموضوع الصور صادق كان مدعوم بصور وكل جوز مكتوب تحته كل حاجه عن طير ...حتى اذكر مره حصلت الموضوع منقول في منتدى ومخربط الموضوع طبعآ الي نقله شال اسم ابو سعود وغير فيه بالمره وسالت صاحب الموضوع الي نقله قال والله انا حصلت الموضوع في القروب بنفس طريقه هذي ونقلته ..طبعآ الي سوى الي خربط في الموضوع وغير في محتواه انسان مغرور ويتمنى الطيور في سطحه بس ماقدر وانا من اناس الي احب الخير وحب اشوف الحمام الزين في كل مكان بس المشكله فيه ناس حدث في عالم الهوايه هي الي تطفل .

وعليكم السلام ورحمه*
معكم أخوكم ابوناصر القحطاني موضوع يستحق التثبيت وذكر *
ابوسعود الهزاني صديق واخ قديم وأمسي عليه *والله ويام زمان كنت امر ابو سعود كل ماجيت من ديره وتعتم عنده انسان حبيب وطيب ويمتاز بطيوره نادره ومنها ألأرقم ولد ركانه،  وهذا طيره الاساس مال احد فيه منه.طير شفت مطيره اكثر من مره طير ماليان تقلب ومع هذا كله يشيل عمره الين يقفل تعرفون طيور الي تفل ذيلها هذا هو مايسكر ذيله لااله الاالله ذكرو الله ياشباب طير مجنون ركب عليه الثريا زرقى وركب عليه بنت ركان ركانه شي يعور راس طير يقفل وركب عليه اناثي تقفل وخفيفه طلع شي خيالي 
عطاني طبتين من عيال ركانه من الثرياء هديه 
الله يبارك فيه كانت مكوره وجاهزه وخذهم وصك عليهم وانتج والله الحمد ياخوان *غيرت رقم جوالي ومايرد علي ابوسعود.

ماشاءالله ياابو سعود .انت غني عن تعريف وبيض الله وجهك على جهودك الي تبذلها من اجل الهوايه اهنيك على الطيور والمنتدى الرائع
منتدى ماشاءالله فيه نشاط واعضاء مثل العسل الله يوفقك.

مشاء الله تبارك الله على ابوسعود وعلى طيوره

اهني ابوسعود على المنتدى الجميل

جمعنا في المنتدى

الله يجزاه خير