هواية تربية الحمام القطيفي في الرياض لها اسس ومابدى قديمه غير معروفه المدة تحديدا ولكن راح اتكلم عن الثمانين سنه الاخيره الذي ازدهرة فيه تربية الحمام القطيفي فاشتهر حمام ليومنا هذا ومنها الفرايده - عيال بوهيا - نمش الصفيات والتي تسمى نمش الرياض - ابو ريشه وانحدرت منه ثلاث ترث وهي: 1- خطيل 2- سكارنو 3- والدرهم . وياتي بعدها الرحيان- المخايطة - النصايبه - وعيال الخاضور - والهجارس -القنديات - الجامبوات - وعيال الباشا وهذي الترثه اندثرت من 30سنه تقريبا هذا بعض اشهر اسماء الحمام القطيفي بالرياض
من 80 سنه ومازالت تطير عيالها لحد اليوم .........!
مميزات مطيرها واحبها لاهل القطيفي :
1- مايكون فيها لوت يكون تقلب صافي .
2- الثبات على البيت والطير على ارتفاع شاهق .
3- شرة الطير وسحبته على فوق وبكم يوقف الطيرمن قلبه .
4- هدوة الطير وثقته .
5- كثرة المواقف والتقلب .
الافعال الغير مرغوبه بطير :
1- السرعه اثناء الطيران.
2- المسوبع .
3- الوته او الشطفه .
4- التصفيق والترزيز .
5- البعد عن المنزل اثناء الطيران ( الوجه ) .
6-الطير الي نفسه ثقيله والتقلب الواجد حتى يقع الطير على الارض .
الالوان المرغوبه في الحمام القطيفي في الرياض:
السود الساده - او المطاريف والمشاكيل او المواسيط والصافيات وياتي بعدها الشهب او الزرق
الخرش - والتمش - والدرع - والحرق - والمخابيز والغرانيق اللمقنبرات ( مطوسه