الموضوع مهم جدآ جدآ

السلام عليكم ورحمة الله وبركاته،،
والله مادري وش اقول ياشباب اضحك او ووو ايش اهل العقول في راحه
على العموم اليوم دق علي واحد من اهل حي النسيم يقول نزل عندي طيرك ياابو سعود ،،استغربت كيف عرفت انه طيري قال عليه حجل برتقالي مكتوب عليه اسمك ورقمك قلت ماعمري حجلت طيوري بحجل  برتقالي او غيره ..استغرب وقام يحلف قلت لاتحلف ولا شي ماقصرت وجزاك الله الف خير بس طير مهب لي (هذا واحد يشتغل على طيوره بسمي ورقمي) يبي يشوه سمعت طيور او يبي يتكسب فيها من وراي وانا اقول لاحد يصدق ياشباب اي طير مكتوب عليه رقم جوال ينتهي66304 ومكتوب اسمي على الحجل لاحد يشتري طيور مهب طيوري ،،لان طيوري ماحجلتها اصلآ.. او يشتري طيور اي احد مكتوب عليها اسم ورقم الين مايتصل على رقم الي مكتوب على الحجل ويكلم راعيه ويتاكد ناس معاد تخاف من الله تستغل السمعه باالاسم ورقم على شان يبيع ويشتري..

وعليكم السلام ...هلا باالأمير
وشذا الخبل الي يحجل طيوره بسم غيره 
اول شي انت ماتبيع  من طيورك ..ولوبعت على ناس 
تعرفهم زين عارفينك ياابو سعود هذا مسكين خله يوهق نفسه
ويكسرون ناس راسه ويعرفون ياخذون من المصدر الحقيقي ..والله انه خبل

هلا ابو خالد ،،
تفاجئة والله يوم دق علي رجال وقال عندي طيرك وعليه حجل بسمك
تعرف طيوري ياابو خالد ماعليها حجول لابسم ولا برقم ومع كذا مابعت من طيور الا مرتين او ثلاث مرات وعلى ناس مو في الرياض في القصيم وبدون حجول ((اي طير ياشباب محجل وعليه اسمي او رقمي مو تبعي))

وعليكم السلام ورحمه.يا.
الأمير صبحك الله باالخير ان كنت صباح ومساك بالخير ان كنت مساء
هذا الي مسوي الحركه تركيب رقم جوالك على طيوره انا اول واحد يدعي عليه الله لاتوفقه بس هذا الي اقوله